ვოლოდიმირ ზელენსკი კიევში უკრაინულ-ებრაულ თემთა წარმომადგენლებს შეხვდა. ხელისუფლების მხრიდან არაერთი გაფრთხილების მიუხედავად, 20 000-ზე მეტი ებრაელი მომლოცველი უკრაინის ქალაქ უმანში ჩავიდა. ეს ერთ-ერთი ადგილია, სადაც ჰასიდურ მოძრაობას ჩაეყარა საფუძველი.
უკრაინის პრეზიდენტმა მომლოცველებს მადლობა გადაუხადა. მან კომენტარი გააკეთა სისხლის სამართლის საერთაშორისო სასამართლოზეც.
სისხლის სამართლის საერთაშორისო სასამართლომ უკრაინაში გახსნა სამუშაო ოფისი, რომელიც ყველაზე დიდია ჰააგის შემდეგ. ვოლოდიმირ ზელენსკი აღნიშნავს, რომ ეს თანამშრომლობა აღადგენს სამართლიანობას მთელი უკრაინისა და უკრაინელი ხალხისთვის, რომელიც ყველაზე მეტად დაზარალდა ამ ომით და დასძენს, რომ რუს დამნაშავეებს გამოუტანს კანონიერ და დამსახურებულ სასჯელს.
უკრაინის ხელისუფლებამ ხერსონის რეგიონში სავალდებული ევაკუაციის შესახებ გამოაცხადა. რეგიონს ნაწილობრივ რუსული ძალები აკონტროლებენ და ის მუდმივად დაბომბვის სამიზნეა. რეგიონული ხელისუფლება მომავალი შემოდგომისა და ზამთრისთვის, ელექტროენერგიის მომარაგების მხრივ, საგანგებო სიტუაციებისთვის ემზადება.
