ჯანდაცვის მსოფლიო ორგანიზაცია პრეპარატ „რემდესივირით“ Covid-19-ის მკურნალობაზე უარს ამბობს.
ჯანდაცვის მსოფლიო ორგანიზაციის ცნობით, ექსპერტების ჯგუფმა დაადგინა, რომ „რემდესივირით“ მკურნალობა სასურველ ეფექტს არ იძლევა: არ მოქმედებს კორონავირუსზე და არ ამცირებს სიკვდილიანობის რისკს.
Remdesivir is not suggested for patients admitted to hospital with covid-19, regardless of how severely ill they are, because there is currently no evidence that it improves survival or the need for ventilation, say a @WHO Guideline Development Group panel https://t.co/a55cB9wuH9
— The BMJ (@bmj_latest) November 20, 2020
„რემდესივირის“ შემქმნელი კომპანია „გილეადის“ წარმომადგენლები ოქტომბრის ბოლოს აცხადებდნენ, რომ მათი პრეპარატით მკურნალობა აშშ-ის სურსათისა და წამლის ადმინისტრაციამ (FDA) დაადასტურა. მათი პრეპარატი აღიარა როგორც ამერიკის შეერთებულ შტატების მრავალმა ავტორიტეტულმა ორგანიზაციამ, ასევე ინფექციური დაავადებების ინსტიტუტმა იაპონიაში, დიდ ბრიტანეთსა და გერმანიაში.
„რემდესივირის“ ეფექტიანობის საკითხი დიდი ხნის განმავლობაში იყო განხილვის საგანი. ჯანდაცვის მსოფლიო ორგანიზაციას საკუთარ წინასწარ შეფასებებში არაერთხელ აღუნიშნავს, რომ „რემდესივირით“ მკურნალობა არ ამცირებს სიკვდილიანობის რისკსა და რაოდენობას.
სწორედ „რემდესივირით“უმკურნალეს აშშ-ის პრეზიდენტ დონალდ ტრამპს.
„გილეადის“ განმარტებით, “რემდესივირი” რეკომენდირებულია იმ პაციენტებისათვის, რომელთა ასაკი 12 წელზე მეტია და რომელთაც ჰოსპიტალიზაცია სჭირდებათ. ამ პრეპარატის გამოყენება მხოლოდ სტაციონალურ პირობებშია დაშვებული.
