უწყვეტი დაბომბვის მიუხედავად, ღაზაში ჰუმანიტარული დახმარება ეგვიპტიდან რაფათის გავლით მიეწოდებათ. პირველი ჰუმანიტარული დახმარების 20 მანქანა ღაზაში გასულ კვირას შევიდა, მას დაემატა კიდევ 14 მანქანა.
გაეროში ჰუმანიტარული სამსახურის ხელმძღვანელმა, მარტინ გრიფიტსმა განაცხადა, რომ ღაზაში ჰუმანიტარული დახმარება იმედის კიდევ ერთი ნაპერწკალია პალესტინელებისთვის, თუმცა დასძინა, რომ მათ უფრო მეტი მხარდაჭერა ესაჭიროებათ.
7 ოქტომბრიდან ღაზის მოსახლეობა, რომელსაც ისრაელმა მარაგის მიწოდება შეუწყვიტა, ალყაშია მოქცეული. საერთაშორისო ჰუმანიტარული ორგანიზაციები მშვიდობიანი მოსახლეობისთვის სასწრაფო დახმარებას ითხოვენ.
ჯო ბაიდენმა ისრაელის პრემიერ-მინისტრ ბენიამინ ნეთანიაჰუსთან საუბრის შემდეგ განაცხადა, რომ ჰუმანიტარული დახმარება გაჭირვებულ პალესტინელებს ურიგდებათ.
ლიდერებმა „ჰამასის“ მიერ დაკავებული ყველა მძევლის გათავისუფლების უზრუნველყოფის საკითხიც განიხილეს.
