უკრაინის პრეზიდენტი, ვოლოდიმირ ზელენსკი ხერსონის ოლქს ეწვია და ადგილობრივ მოსახლეობას შეხვდა. მან სახელმწიფო ჯილდოები გადასცა ხერსონის ოლქისთვის მებრძოლ უკრაინელ სამხედროებს.
ვოლოდიმირ ზელენსკიმ ხერსონში ადგილობრივ მოსახლეობას პირობა მისცა, რომ აღადგენს ყველაფერს, რაც რუსმა სამხედროებმა გაანადგურეს.
ზელენსკი ხერსონში ვიზიტამდე დონეცკის ოლქის ქალაქ ბახმუტთან იმყოფებოდა, სადაც ის ასევე შეხვდა უკრაინელ ჯარისკაცებსა და ადგილობრივ მოსახლეობას.
